कल्याण दि.6 जून :
कल्याण डोंबिवली महापालिका क्षेत्रात कोरोनाचा वाढता प्रादुर्भाव लक्षात घेता कोरोना बाधित रूग्‍णाना महापालिका रूग्‍णालयात दाखल करणेकरीता महापालिकेतर्फे रूग्‍णवाहिका सेवा पुरविण्‍यात येत आहेत. नागरिकांना अधिक तत्‍परतेने रूग्‍णवाहिकांची सेवा उपलब्ध करून देण्‍याच्‍या दष्‍टीकोनातून केंद्रीकृत रूग्‍णवाहिका प्रणाली महापालिकेतर्फे सुरू करण्यात येत आहे. या अंतर्गत महापालिका क्षेत्रातील कोरोनाबाधितांसाठी रूग्‍णवाहिका उपलब्ध होण्यासाठी महापालिका मुख्‍यालयातील वॉररूममध्‍ये *०२५१-२२११३७३/ ०२५१-२२०११६८* हे दोन क्रमांक उपलब्ध करून देण्‍यात आले आहेत.
रूग्‍ण वाहिका उपलब्ध करून देणेबाबतच्‍या कार्यवाहीवर नियंञण अधिकारी म्‍हणून वैदयकीय आरोग्‍य अधिकारी मुख्‍यालय यांचेवर जबाबदारी सोपविण्‍यात आली आहे. कोव्हिड रूग्‍णांसाठी रूग्‍णवाहिकेची आवश्‍यकता भासल्‍यास त्‍यांनी या दुरध्‍वनी क्रमांकावर संपर्क साधण्याचे आवाहन करण्यात आले आहे.
*#LNN*
*#LocalNewsNetwork*
About Post Author
