डोंबिवलीतील श्री राजस्थान श्वेताबंर जैन संघातर्फे सफाई कर्मचाऱ्यांसाठी अर्सेनिक अल्बम औषधांचे वाटप | LNN

डोंबिवली दि.27 मे :
डोंबिवलीतील श्री राजस्थान श्वेताबंर जैन संघ डोंबिवली पूर्वच्या वतीने कल्याण डोंबिवली महानगरपालिकेमधील सर्व सफाई कामगारांना अर्सेनिक अल्बम 30 औषधांचे वाटप करण्यात आले. केडीएमसीच्या 2 हजार ५०० सफाई कामगार आणि त्यांच्या कुटुंबियांना हे औषध मोफत देण्यात आले. घनकचरा व्यवस्थापन विभागाचे उपायुक्त रामदास कोकरे यांच्याकडे हे औषध सुपूर्द करण्यात आले.
यावेळी बोराडे, घुटे , मिलिंद गायकवाड, अविनाश मांजरेकर, विनोद लंकेश्री तसेच ट्रस्टच्या वतीने अनिल कोठारी (सचिव), महेंद्र चोपडा आणि अजय जैन ( सदस्य) उपस्थित होते. तसेच हे औषध ह्या संस्थेच्या मार्फत मोफत उपलब्ध करून देण्यात सुनिल शहा (डोंबिवली) ह्यांनी मोलाची भूमिका निभावली.