कल्याण दि.11 जून :
कोरोना साथीचा वाढता प्रार्दुभाव व महापालिका क्षेत्रातील वाढते रुग्ण लक्षात घेता महापालिकेने या आधीच तापाचे १० दवाखाने सुरु केलेले आहे. तरी महापालिका क्षेत्रातील सर्व औषधांच्या दुकानदारांना आवाहन करण्यात येते की, त्यांचेकडे तापाची औषधे घेण्यासाठी येणा-या नागरिकांचे पूर्ण नाव, पत्ता, भ्रमणध्वनी क्रमांक इत्यादी बाबतची नोंद घेवून ही माहिती महापालिकेच्या [email protected] या संकेतस्थळावर पाठवावी.
त्याचप्रमाणे महापालिका क्षेत्रातील सर्व खासगी वैद्यकीय व्यावसायीकांना आवाहन करण्यात येते की, त्यांनी त्यांचे दवाखान्यात गेल्या १० दिवसांत आलेल्या तापाच्या रुग्णांची माहिती त्यांचे नजीकच्या नागरी आरोग्य केंद्राकडे पाठवावी, तसेच यापुढे त्यांचेकडे तपासणीसाठी येणा-या ताप किंवा तत्सम लक्षणे असणा-या रुग्णाची माहिती त्वरीत नजीकच्या नागरी आरोग्य केंद्राकडे पाठवावी.
About Post Author
