‘
कल्याण दि.2 जून :
गेल्या 2 महिन्यापासून सुरू असणारे लॉकडाऊन शिथिल करण्याबाबत केंद्र आणि राज्य सरकारने नुकतीच घोषणा केली आहे. त्याचाच एक भाग म्हणून कल्याण डोंबिवली महापालिकेनेही ‘मिशन बिगीन आगेन( Mission Begin Again) अंतर्गत कल्याण डोंबिवलीतील नागरिकांसाठी नविन नियमावली जाहीर केली आहे. ज्यामध्ये कंटेनमेंट झोनमध्ये मात्र निर्बंध कायम ठेवले असून कंटेनमेंट झोनबाहेरील क्षेत्रासाठी सशर्त नियमावली जारी केली आहे. तर कंटेनमेंट झोनबाहेरील क्षेत्रासाठी 3, 5 आणि 8 जून असे तीन टप्पे ठरवण्यात आले असून 30 जून 2020 पर्यंत ते सुरू ठेवण्याचे निर्देश केडीएमसी आयुक्त डॉ. विजय सुर्यवंशी यांनी दिले आहेत.
नियमावलीतील ठळक मुद्दे…
- सार्वजनिक ठिकाणी, कामाच्या ठिकाणी, प्रवासादरम्यान मास्क लावणे बंधनकारक…
- सार्वजनिक ठिकाणी 6 फूट अंतर राखणे बंधनकारक…
- एका वेळेस 5 पेक्षा जास्त ग्राहकांना दुकानात प्रवेश नाही…
- ग्राहकांनी सोशल डिस्टन्सिंग पाळण्याची जबाबदारी दुकानदारांची…
- मोठ्या स्वरूपाचे समारंभ, कार्यक्रम यांच्यावरील बंदी कायम…
- विवाह समारंभासाठी 50 पेक्षा जास्त व्यक्तींना आणि अंत्यविधीसाठी 20 पेक्षा जास्त व्यक्तींना परवानगी नाही…
- 65 वर्षांवरील व्यक्ती, गंभीर आजार असलेल्या व्यक्ती, गरोदर माता आणि 10 वर्षांखालील मुलं यांनी अत्यावश्यक आणि वैद्यकीय कारणाशिवाय घराबाहेर पडू नये.
दरम्यान केडीएमसीने एकीकडे ही नियमावली जाहीर केलेली असली तरी प्रत्यक्षात कल्याण डोंबिवलीत रस्त्यावर मात्र संपूर्ण लॉकडाऊन उठवल्याप्रमाणे चित्र दिसत आहे. जे इथलया कोरोना रुग्णांच्या वाढत्या संख्येच्या पार्श्वभूमीवर निश्चितच चांगले नाहीये.
महापालिका आयुक्तांची संपूर्ण नियमावली पुढीलप्रमाणे…