कल्याण दि.5 जून :
चक्रीवादळात कल्याण पूर्वेतील भगवान नगरमधील चाळीत राहणारे राजू एरंडे यांच्या घराचे झाड पडून संपूर्ण नुकसान झाले.त्यांचा संसार भर पावसात रस्त्यावर आला. शिवसेना कार्यकर्त्यांकडून याची माहिती मिळताच नगरसेवक महेश गायकवाड यांनी तात्काळ घराची पाहणी करून आणि प्रशासनाला माहिती देऊन त्यांना मदतीचे आश्वासन दिले होते.
त्यानूसार नगरसेवक महेश गायकवाड यांनी एरंडे कुटुंबियांना कुटुंबाला ५१ हजार रुपयांची आर्थिक मदत केली. तसेच या कुटुंबाच्या घरबांधणीसाठी लागणाऱ्या बांधकाम साहित्याचीही त्यांनी हमी घेतली आहे.. तर शासनातर्फे नुकसान भरपाई मिळवून देण्यासाठी प्रयत्न करणार असल्याचे महेश गायकवाड यांनी सांगितले.
About Post Author
