कल्याण दि.2 जून :
कल्याण डोंबिवलीमध्ये कोरोना रुग्णांची संख्या दिवसेंदिवस वाढत असून नागरिकांना तपशीलवार माहिती मिळणे आवश्यक आहे. त्यामूळे कल्याण डोंबिवली महापालिकेने पालिका क्षेत्रातील कोरोना रुग्णांची माहिती पूर्वीप्रमाणेच तपशीलवार उपलब्ध करून देण्याची मागणी आमदार गणपत गायकवाड यांनी केली आहे.
यापूर्वी कल्याण डोंबिवली क्षेत्रातील कोरोना रुग्णांची त्यांच्या बाधित होण्याचे कारण, त्यांचा पूर्वइतिहास आदींची विभागवार माहिती दिली जायची. परंतु 13 मे पासून ही तपशीलवार माहिती देणे महापालिकेने बंद केल्याने लोकांमध्ये नाराजी निर्माण झाल्याचे गणपत गायकवाड यांनी सांगितले.
या पार्श्वभूमीवर महापालिका प्रशासनाने कल्याण डोंबिवलीतील रुग्णांची पूर्वीप्रमाणे तपशिलवार माहिती लोकांना उपलब्ध करून देण्याचे आवाहन आमदार गायकवाड यांनी पत्राद्वारे महापालिका आयुक्त डॉ. विजय सुर्यवंशी याना केले आहे.