#निसर्गचक्रीवादळ: कल्याण डोंबिवलीत ठिक ठिकाणी झाडं पडली; तासाभरापासून पावसाची विश्रांती

कल्याण /डोंबिवली दि.3 जून :
निसर्ग चक्रीवादळाच्या पार्श्वभूमीवर कल्याण डोंबिवली आणि आसपासच्या परिसरातही सोसाट्याच्या वाऱ्यासह पावसाला सुरुवात झाली होती. दुपारी 2 वाजल्यापासून कल्याण डोंबिवलीत आधी जोरदार वारे वाहण्यास सुरुवात होऊन नंतर पाऊस पडला.तर दुपारी 4 वाजल्यानंतर वाऱ्याची गती मोठ्या प्रमाणात वाढलेली पाहायला मिळली. तर पावसाचा जोरही त्याप्रमाणात वाढलेला दिसलाा. दरम्यान या सोसाट्याच्या वाऱ्यामुळे शहरात ठीक ठिकाणी झाड उन्मळून पडली असून महापालिका अग्निशमन दल ती बाजूला करण्यासाठी अथक प्रयत्न करत आहे. तर कल्याण डोंबिवलीत विद्युत वाहिन्यांवर झाडं पडल्यााने वीज पुरवठा खंडित झााला आहे. दरम्यान सायंकाळी साधारणपणे साडेपाच वाजता पाऊस थांबण्यासह वाराही कमी झालेला पाहायला मिळाला.