कल्याण दि.7 जून :
कल्याण डोंबिवली महानगरपालिका क्षेत्रातील कोरोनाबाधित रुग्णांच्या पार्श्वभूमीवर उपचारासाठी सध्याची ठिकाणे कमी पडत आहेत. त्यामुळे शहरातील पूर्णत्वास आलेल्या शासकीय इमारती ताब्यात घेऊन त्याठिकाणी महिला रुग्णांवर उपचार करण्याची मागणी माजी आमदार आणि मनसे सरचिटणीस प्रकाश भोईर यांनी केली आहे. याबाबत त्यांनी महापालिका आयुक्तांना एक पत्र पाठवले आहे.
दिवसेंदिवस कोरोना रुग्णांची वाढती संख्या पाहता ताब्यात घेतलेल्या इमारती उपचारासाठी अपुऱ्या पडत आहेत. त्यामुळे कल्याणातील पूर्णत्वास आलेल्या उंबर्डे येथील औद्योगिक प्रशिक्षण संस्था, गौरीपाडा येथील शासकीय वसतिगृह, आधारवाडीतील कल्याण स्पोर्ट्स क्लब आणि गांधारे येथील विद्यापीठाचे उपकेंद्र या शासकीय इमारती संशयित रुग्णांसाठी महापालिकेने ताब्यात घ्याव्यात. तसेच याठिकाणी कोरोनाबाधित महिला रुग्णांवर उपचार करण्याची सूचनाही माजी आमदार प्रकाश भोईर यांनी पत्राद्वारे आयुक्तांकडे केली आहे.
About Post Author
