डोंबिवली दि.28 मे :
डोंबिवलीतील गोग्रासवाडी मनसे विभागातर्फे फिडींग इंडियाच्या सदस्यांना आर्सेनिक गोळ्यांचे वाटप करण्यात आले. कल्याण ग्रामीणचे आमदार राजू पाटील यांच्या पुढाकाराने हा उपक्रम राबविण्यात आला.
गेले ३ महिने या मंडळाचे कार्यकर्ते समाजातील गरजू लोकांकरीता मदत करीत आहेत.जवळपास २०० गरजू कुटुंबांना ते मंडळामार्फत दर महिना किराणा सामानाचे वाटप करीत आहेत.त्याचबरोबर १४ मे पासून त्यांनी GSB शाळेतून कम्युनिटी किचन सुरु केले असुन आतापर्यंत ५ हजार फुड पॅकेट्स या माध्यमातून वितरीत केले आहेत,सदरचा उपक्रम जून महिन्यापर्यंत राबविण्याचा त्यांच्या ५० कार्यकर्त्यांचा मानस असल्याचे मनोज घरत यांनी सांगितले.
फिडींग इंडिया हि नाॅन प्राॅफिट ॲार्गनायझेशन असुन यांचे डोंबिवली मध्ये १२५ सदस्य आहेत.फिडींग इंडीया च्या माध्यमातून GSB मंडळाच्या कम्युनिटी किचन मध्ये तयार झालेले फुड पॅकेट्स दररोज विविध ठिकाणी गरजूंना वितरीत करण्यात येतात.फिडींग इंडीया तर्फे इतर अनेक समाजउपयोगी कार्यक्रम आणि शिबीरेसुद्धा राबविण्यात येत आहेत. त्यांच्या सुरक्षिततेसाठी या गोळ्यांचे वाटप करण्यात आले.
About Post Author
