कल्याण दि.29 मे :
कल्याण-डोंबिवली महानगरपालिका क्षेत्रात कोरोनावर नियंत्रण आणण्यासाठी महापालिका आयुक्त डॉ.विजय सुर्यवंशी यांनी केलेल्या आवाहनानुसार शिवसेना बिर्ला कॉलेज विभागीय शाखेच्या माध्यमातून थर्मल स्क्रिनिंग करण्यात आली.
महापालिका क्षेत्रातील हौसिंग सोसायट्यांनी थर्मल स्कॅन आणि ऑक्सी पल्समीटरद्वारे तपासणी यंत्रणा उभारण्याचे आवाहन केले आहे. त्यानूसार शिवसेना विभागीय शाखेतर्फे हा उपक्रम राबविण्यात आला. गृहसंकुलातील सभासदांना शक्य नसल्याने शिवसेना बिर्ला कॉलेज विभागीय शाखेच्या वतीने पहिल्या टप्प्यात प्रभागातील गृहनिर्माण संकुलातील पदाधिकारी यांच्या सहमतीने आणि सहकार्यांने नागरिकांची तपासणी करण्यात आली. मयुर विहार,साई भास्कर, कस्तुरी लाॅअन्स,साई सावली, विशाल मथुरा,मयुर,साई पार्क आणि साई सद्गुरु या सर्व संकुलांमध्ये शिवसेना मार्फत नियमित काळजी घेत तपासणी करण्यात आली आहे. सर्व संकुलातील पदाधिकारी आणि नागरिकांनी यासाठी सहकार्य केले.
यासाठी योगेश पाटील, दिलीप सातारकर, सौरभ आरोटे, नितीन अमराव, राम मुसळे, प्रथमेश पाटील, विनायक भोसले, प्रसाद शिंदे आणि अनिरुद्ध रवि पाटील यांचे मौलाचं सहकार्य लाभले.
About Post Author
