कल्याण दि.5 जून :
अनलॉक 1 च्या ‘मिशन बिगीन अगेन’अंतर्गत कल्याण डोंबिवली महापालिका क्षेत्रात आजपासून कंटेनमेंट झोन बाहेरील दुकाने उघडण्यास परवानगी दिली खरी मात्र सम -विषमबाबत दुकानदारांमध्ये संभ्रम असलेला पाहायला मिळाला. ज्यामुळे रस्त्याच्या एका दिशेकडील दुकाने उघडण्यास मुभा असताना दोन्ही बाजूकडील दुकाने उघडण्यात आल्याचे दिसून आले.
मिशन बिगीन अगेन राज्य शासनाने आजपासून सर्वत्र लॉकडाऊन शिथिल करण्यासह आर्थिक व्यवहारही सुरू करण्यासाठी काही दिवसांपूर्वी निर्देश दिले. त्याचाच दाखला देत केडीएमसी प्रशासनानेही आपली नियमावली काही दिसवांपूर्वी जारी केली. ज्यामध्ये कंटेनमेंट झोन बाहेरील दुकाने सम आणि विषम तारखेसह सार्वजनिक रस्त्यावरील पार्किंगसाठी असणाऱ्या पी 1 आणि पी 2 नूसार ही दुकाने उघडण्यास परवानगी असल्याचे नमूद करण्यात आले आहे. मात्र आज मिशन बिगीन अगेनच्या आजच्या पहिल्या दिवशी संभ्रमामुळे कल्याणात काही ठिकाणी दोन्ही बाजूकडील दुकाने उघडण्यात आली होती. दरम्यान महापालिका प्रशासनाला याबाबत माहिती समजताच संबंधित अधिकाऱ्यांनी त्याठिकाणी जाऊन दुकाने सुरू करण्याबाबत दुकानदारांना मार्गदर्शन केलेलेही पाहयाल मिळाले. केडीएमसीकडून पुढील 25 दिवस म्हणजे 30 जूनपर्यंत ही परवानगी देण्यात आली आहे.
ठप्प पडलेली अर्थव्यवस्था पुन्हा रुळावर आणण्याच्या दृष्टीने हा निर्णय अत्यावश्यक असतानाच दुसरीकडे वाढत्या कोरोनाचा संसर्ग रोखण्यासाठी दुकानदार आणि नागरिकांनीही सोशल डिस्टनसिंग, सॅनिटायजेशन आदी नियमांचे काटेकोरपणे पालन करणेही तितकेच अत्यावश्यक आहे.
दुकाने उघडण्याबाबत महापालिकेची नियमावली…
About Post Author
