डोंबिवली दि.9 जून :
कोरोना विषाणु मुळे उद्भवलेल्या संकटकाळात डाॅक्टर,पोलिस आणि त्यांच्या बरोबर इतरही अनेक लोक आपआपल्या परीने कोरोनाशी लढा देत लोकांना सहकार्य करत आहेत.या सर्वांत १ घटक जाणते – अजाणतेपणाने दुर्लक्षित राहिलाय,ते म्हणजे स्मशानभुमीत काम करणारे आपले महापालिका कर्मचारी.वास्तविक पाहता या कठीण काळात नैसर्गिक मृत्यु असोत किंवा कोविड १९ ने झालेले मृत्यु असोत या सगळ्यांची जबाबदारी याच कर्मचारी वर्गावर आहे.जिथे मयताला मोजकीच माणसे जाण्याची परवानगी असते तिथे वेळप्रसंगी तिरडी बांधण्याचे कामसुद्धा यांना करावे लागत आहे.परंतु एवढे सर्व करुनही त्यांच्या कडे सुरक्षिततेसाठी साधनांची कमतरता आहे अशी माहिती मिळाली.
स्मशानभुमी कर्मचारी पण कोरोना योद्धेच – मनोज प्रकाश घरत
ही बाब निदर्शनास येताच मनसेचे माजी नगरसेवक मनोज प्रकाश घरत यांनी मनसे सरचिटणीस व महिला सेना उपाध्यक्षा शालिनी ठाकरे यांच्या कानावर घालताच त्यांनी तात्काळ १०० PPE किट्स पाठवुन दिले.
महाराष्ट्र नवनिर्माण सेना, डोंबिवली शहराच्या वतीने क.डों.म.पालिकेच्या स्मशानभुमीत काम करणार्या सर्व कर्मचारी वर्गाला PPE किट्स, गाॅगल्स, मास्क मनसे आमदार राजु दादा पाटील यांच्या सहकार्याने हॅंड सॅनिटायझर, धान्याचे किट देण्यात आले.
या प्रसंगी मनसेचे कल्याण ग्रामीण विधानसभा अध्यक्ष मनोज प्रकाश घरत ,शाखाध्यक्ष रविंद्र गरुड, महेश खताते, निनाद मिसाळ, बाळा विरकर, समीर दुढे, आकाश वेलापुरे उपस्थित होते.
About Post Author
