Dis na wetin wetin we know about di Lagos curfew today and security situation inside Nigeria commercial city.
Di curfew inside Lagos State don change and from Monday 26 October movement restriction time now na 8pm to 6am.
But all Public & Private Schools remain shut till further notice.
How security situation dey inside Lagos?
Relative calm don return to parts of Nigeria commercial city..
Goment don tell pipo wey dey live inside di city alias Lagosians to plan dia journey times as dem dey go about dia lawful business dem.
BBC Pidgin also find out say at Saturday 24 October dis na di situation report:
1. Apapa -Area calm, soldiers and Navy on patrol.
2. Yaba – No issue, police at strategic places
4. Surulere- No issue, OP Mesa condone off the area.
5. Opebi- No movement but Soldiers and police on patrol.
6. Ogba- No movement but soldiers are on patrol.
7 lekki- Area is calm for now, soldiers and police are patrolling the vicinity.
8. Ikota- Area is calm for now, the hoodlums have all disappeared.
9. Victoria Island: Soldiers are stationed at IMB junction and Eko Hotel gate
10. Ozumba- no issue, soldiers are patrolling.
However some jaguda pipo still dey for some roads inside di mainland dey collect roja (money) from pipo hand before dem fit pass for road.
Nigeria minister of works and housing, Babatunde Fashola dey trend for social media afta e pick one camera on Sunday for di scene of di shooting wey happun for Lekki area of Lagos state .
Fahoshola say di camera go help for di investigation wey dey go on.
Meanwhile, Nigeria food and drug control agency don warn say di items wey pipo loot for Kaduna state include expire, prohibited and dangerous drugs.
NAFDAC say any pesin wey chop am fit get serious sickness or die.
Wetin be di latest update from di President?
President Muhammadu Buhari on Sunday night tok say diJudicial Panel of Inquiry wey di Lagos State goment set up to investigate End SARS palava plus [Lekki Toll Gate shooting on 20 October] get im full support, as e begin sitting dis week.
Di Nigeria president say im dey confident say all di State Panels go help ensure justice on behalf of di peaceful protesters (agaisnt police brutality for Nigeria) and law enforcement agents wey sadly lost dia lives.